EL FIN DE SEMANA PERDIDO

"John Lennon. El fin de semana perdido"

Iván Moldes.

T & B Editores (Madrid) 2016 

1. ed. 245 orr.

1973an John Lennon eta Yoko Ono banandu egin ziren eta John May Pangekin bizitzera joan zen. Elkarrekin pasatutako 19 hilabeteei "galdutako asteburua" izena jarri zion Lennonek, Billy Wilderren izen bereko filmari erreferentzia eginda. 

"The lost weekend"

Billy Wilder (1945)

Garai horri buruzko kontaketa May Pangek berak egin zuen "Loving John" (1983) liburuan, gure artean "Adorable John" (Plaza & Janés, 1984) izenpean argitaratu zena. Bere kontakizunaren muina bion arteko harremana zen, Johnen karrera bigarren planoan geldituta.

Iván Moldesen liburuan, ordea, John Lennonen garapen musikala eta beste musikariekin izandako hartuemanak aztertzen dira. Izan ere, galdutako asteburuan bi diska argitaratu zituen ("Walls and bridges" eta "Rock n´roll music"), beste musikarien disketan hartu zuen parte  (Harry Nilsson, Micke Jagger eta Ringo Starr), David Bowieren "Fame" abestiaren konposaketan lagundu zuen, Elton Johnekin batera grabatutako "Wathever gets you throu the nigth" abestiak lehenengoa izan zen zerrendan, Paul McCartneyrekin berriro elkartu egin zen,... Garai aberatsa ikuspegi musikalean, beraz.

TITANS BINILOZKO IRUDIAK-PAUL

Titans Vinyl Figures-Paul McCartney

Subafilms Ltd (2015)

16 cm-ko irudia

Titans binilozko irudiekin jarraituz, hona hemen Paul McCartneyrena.

16cm-ko altuera dauka eta beste irudietan bezala burua eta besoak mugi daitezke...

THE ULTIMATE COLLECTOR´S EDITION-LENNON

"The ultimate collector´s edition. Lennon"

Uncut (Londres, 2016)

146 orr.

Uncutek ekainean "The ultimate collector´s edition. The Beatles" argitartu ostean, John Lennoni eskeinitakoa jarri du salgai. 

Aldizkari formatua eduki arrean liburua izan zitekeen honetan, aldizkari ezberdinetan Lennoni buruz argitaratutako artikulu zaharrak irakur ditzakegu eta bakarrean grabatutako diskak berrikusi, hau guztia argazki askorekin hornituta.

LOTERIA 2016

Loteria 2016

Seargeant Beatles Fan Club (Zaragoza)

Urtero bezala Zaragozako Seargeant Beatles Fan Clubek loteria txartelak jarri ditu salgai. 

Aurtengo txartelean "Strawberry Fields Forever" eta "Penny Lane" abestiak dituen singlearen azaleko argazkia dugu, beharbada "Strawberry Fields Forever" abestiaren 50. urteurrena dela eta. 

"Strawberry Field Forever-Penny Lane"

The Beatles

EMI-odeon (Barcelona, 1967)

DSOL 66.077 (7´´-SGL)

LOVE ORANGE

Love Orange-ren iragarkia

Orange telefonia-enpresaren Love tarifaren iragarkia ikusi dugu egun hauetan. The Beatlesen "All you need is love" abestia entzun daiteke, ume talde batek abestuta.